Bíladagar 2008

jahá!!!

 Við skelltum okkur á bíladaga um helgina, svona eins og flest ár á undan. Verð að viðurkenna að mér fannst við vera hálf gömul fyrir þetta, svona miðað við liðið sem maður sá þarna. Fannst svoldið fyndið hvað þetta var mikið samansafn af "Guggum" og "Hnökkum" sem mættu þarna,  þau voru öll eins!!! án gríns.

Ég verð þó að gefa þeim plús í kladdann fyrir að hafa aldurstakmark á tjaldsvæðinu og stranga gæslu þar sem við gátum fengið að vera í friði ásamt öðru fjölskyldufólki!! frekar fúlt undanfarin ár að þurfa að forða sér í vaglaskóg til að geta tjaldað án þess að eiga það í hættu að verða innan um blindfullt og úturdópað lið.

Gæslan var kanski í það strangasta þar sem Elli greyjið fékk ekki einu sinni að koma inn og tala við okkur og við með 3 börn þarna ! Eins gott að hann ætlaði ekki að gista með okkur hehe.

Reyndar varð ég ósköp lítið vör við þetta "pakk" og hefur þetta örugglega verið lítill hópur sem kemur óorði á annars fína hátíð. Ég sá nokkra hallærislega á greifanum annars bara sama og ekkert af látum sem ég varð vör við.

 

265 mál til lögreglu á Akureyri

Athugasemdir

[Anna Guðný , 17.6.2008 kl. 00:02]

Gaman að "venjulegt" fólk sem kom í bæinn láti í sér heyra. Málið er að þetta blindfulla og útúrdópaða lið er auðvitað mest á ferðinni á nóttunni og þá erum við , barnafólkið flest liggjandi á okkar græna. Gott að heyra að þið með börnin urðuð ekki of mikið vör við leiðinlega ástandið.

[SigrúnSveitó, 18.6.2008 kl. 14:52]

"samansafn af "Guggum" og "Hnökkum"" ...og það þýðir hvað??? (ég er greinilega enn eldri...)

[SigrúnSveitó, 19.6.2008 kl. 19:59]

hehe, ok nú skil ég, sé guggur og hnakka fyrir mér...og jafn fordóma"laust" og þú...